Eraso matxista bat ikertzen ari da Ertzaintza Laudion

Aitor Aspuru Saez 2025eko otsailaren 1a
Deskargatu Info Ahotsak :

Indarkeria matxistaren kontrako mobilizazio bat Laudion, artxibo irudi batean. / Aiaraldea.eus

Gaur izan da erasoa eta gizonezko bat ikertzen ari da polizia, bere bikotea jipoitzeagatik.

Ertzaintza gaur eguerdian Laudion gertatutako eraso matxista ikertzen ari da. 14:30ak aldera poliziak herritarren deiak jaso ditu jakinarazteko ibilgailu baten barruan gizon bat emakume bat kolpatzen ari zela.

Handik gutxira hainbat agente bertaratu dira lekura eta deiek aipatutako tokitik hurbil deskribatutako ibilgailua topatu dute. Hainbat lagun identifikatu dituzte, horien artean, ustezko erasotzailea, gizonezkoa. Horrez gain, erasoa jaso duen emakumezkoa anbulatoriora lagundu dute ertzainek.

Ertzaintzak berak azaldu du gizonari genero indarkeria leporatu diotela, erasotutako emakumea bere bikotea baita.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide