Zer musika taldek nahi duzu jotzea Laudioko jaietan? Galdera horri erantzun ahalko diote laudioarrek datorren astelehenetik aurrera, 15 proposamenen artean hautatuta.
Jai Batzorde Irekiak egin du taldeen aukeraketa, eta taldeen kontratazio enpresekin egin dute gero kontrastea. Modu horretan, bost hautagai jarri dituzte egun bakoitzeko:
- Abuztuak 16: Iseo Dodosound, Chambao, The Baboom Show, J Martina edo Ana Tijoux
- Abuztuak 17: Su Ta Gar, Xiberoots, Süne, Merina Gris edo Bengo
- Abuztuak 28: Soziedad Alkoholika, Mägo de Oz, Lendakaris Muertos, Ladilla Rusa, León Benavente
Hala ere, azken erabakia ez da soilik bozketaren arabera hartuko, "beste irizpide batzuk" ere hartuko baitituzte kontuan, "euskara eta emakumezkoek osatutako taldeak egotea, alegia".
Hemen egongo da bozkatzeko aukera, eta baita modu presentzialean ere, udaletxeko sarreran, astelehenetik ostiralera, 11:00etatik 14:00etara bitartean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
