Guardianen itxiera

Guardian enpresak martxoko lehen astean aurkeztu nahi du 171 langileak kaleratzeko espedientea, eta horren aurkako elkarretaratzea egingo dute datorren astean

Aitor Aspuru Saez 2025ko ots. 20a, 14:30

Bilbora joko dute Guardian enpresako langileek. / Aiaraldea.eus

SPRI sozietatearen eraikinaren aurrean elkartuko dira langileak hurrengo asteko ostiralean.

Guardian konpainiako langileek elkarretaratzea egingo dute otsailaren 28an Bilbon, SPRI sozietatearen egoitzaren aurrean, 10:00etan. Modu horretan, ahalik eta lasterren esku hartzea exijitu nahi diote Eusko Jaurlaritzari.

"Eusko Jaurlaritzaren pasibotasunaren aurrean, berehalako neurriak eta enpleguaren suntsiketa ekiditeko alternatibak mahaigainean jartzeko eskatzen diegu. Gaur gaurkoz ez dago jardueraren jarraikortasunerako inongo konponbiderik", adierazi du langile batzordeak.

Izan ere, multinazionalak jakinarazi die langileei martxoko lehen astean aurkeztuko duela 171 behargin kaleratzeko espedientea.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide