Paris Packaging Week egitasmoaren saria jaso du Envases enpresak, hirugarren aldiz jarraian

Erredakzioa 2025eko otsailaren 26a
Deskargatu Info Ahotsak :

'All eyes on me' diseinuea. / Envases

Laudioko enpresak Rasasi markarentzat egindako All eyes on me diseinuagatik irabazi du ADF FEA Aerosol Technology of the Year saria. Hirugarren aldiz jarraian eskuratu dute aitortza.

Urtarrilean erdietsi zuen Envases Metalúrgicos de Álava Laudioko konpainiak ADF FEA Aerosol Technology of the Year saria, Paris Packaging Week ekitaldiaren barruan.

Aerosolen industriari buruzko munduko topaketak, zehazki, All eyes on me saria aitortu du. Eskualdeko enpresak Rasasi marka arabiar emirerri batuarrarentzat egin du lan hori. Aluminiozko ontzietan aurretik ikusi gabeko dekorazio teknologiak erabili izana aldarrikatu du Envasesek.

Edonola ere, ez da aurtengoa eskualdeko enpresak eraman duen aitortza bakarra. Iaz Rabanne Shimmer Bomb diseinua izan garaile.

2023an, aldiz, Paco Rabanneren FAME ontzia izan hautatua garaikurra jasotzeko.

Konpainiaren aburuz, ibilbide horrek erakusten du "Envases Groupek abangoardiako soluzioak garatzeko duen gaitasuna, diseinua, teknologia eta iraunkortasuna uztartuz. Sari honek enpresaren etengabeko berrikuntzaren aldeko apustua azpimarratzen du, kosmetika eta lurrinen industriarako aluminiozko ontzien arloan".

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide