Zabor bilketa neumatikoaren zerbitzuko langileek hilabeteko greba abiatuko dute martxoaren 11n Laudion

Erredakzioa 2025eko martxoaren 5a
Deskargatu Info Ahotsak :

Sistema neumatikoaren bilketa zerbitzuak ez du normaltasunez funtzionatuko martxoaren 11tik apirilaren 11ra bitartean. / Aiaraldea.eus

Envac Iberia SA enpresari exijituko diote hitzarmen propioa negoziatzea, egungo baldintzak hobetzeko.

Laudioko zabor bilketa neumatikoa kudeatzen duen enpresako langileek hilabeteko greba iragarri dute. Lanuztea martxoaren 11n abiatuko dute apirilaren 11n amaitzeko, eta euren helburua da Envac Iberia SA enpresak lan hitzarmen propioa negoziatzea.

Hain zuzen, konpainia hori azpikontratatuta dago zerbitzu publikoa eskaintzeko eta, ELA sindikatuak salatu duenez, "langileak estatuko hitzarmenaren menpe daude, 1.789 orduko lan jardunaldiarekin eta soldata prekarioekin".

Halaber, erakundeak kritikatu du enpresak uko egin diola EAEko lan baldintzak negoziatzeari.

Mobilizazioak

Gauzak horrela, ELAk aurreratu du mobilizazioak egingo dituztela Laudion, Barakaldon, Donostian eta Galdakaon, udalerri horietan kudeatzen baititu enpresak zaborra biltzeko sistema neumatikoak.

Horrez gain, sindikatuak azpimarratu du greban gertatzen denaren arabera baloratuko dutela lanuztea luzatzea.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide