Gaur hasiko zuten Laudioko zanbor pneumatikoaren zerbitzuko langileek hilabete oso bat iraungo zuen greba, baina atzeratzea erabaki dute azkenean, enpresarekin negoziatzen jarraitzeko.
Hala ere, ELA sindikatuak nabarmendu du ez dutela bertan behera utzi greba deialdia, eta bihar bertan ekingo diotela lanuzteari, "enpresak ez baldin badu gaurko egunean zehar planteatzen atzo eginikoa baino eskaintza askoz hobeagoa".
Gaur arratsaldean biltzea eskatu die enpresak, "patronaleko kideetako bat Madrilera itzuli zelako atzo hegazkinez, eta hegazkina hartu behar duelako berriz Bilbora itzultzeko".
Zehaztu dutenez, gaur arratsaldean biltzea eskatu die enpresak, "patronaleko kideetako bat Madrilera itzuli zelako atzo hegazkinez, eta hegazkina hartu behar duelako berriz Bilbora itzultzeko". Langileen ordezkariek jakinarazi diete enpresaren azken proposamena "oso urrun" dagoela beharginen aldarrikapenetatik, eta arratsaldean "askoz proposamen txukunagoa" jasotzea espero dutela.
Envac Iberia SA enpresak lan hitzarmen propioa negoziatzea da greba mobilizazioaren helburua. Une honetan, Laudioko zabor jasoketa kudeatzen duten langileak estatuko hitzarmenaren menpe daude, "1.789 orduko lan jardunaldiarekin eta soldata prekarioekin", ELAk nabarmendu duenez.