'Azken erromantikoak' filma HBO Max plataforman dago ikusgai

Erredakzioa 2025eko martxoaren 18a
Deskargatu Info Ahotsak :

Miren Gaztañaga eta Txani Rodriguez, filmaketaren une batean. / Aiaraldea.eus

Txani Rodriguez Laudioko idazlearen eleberrian oinarritutako filma online plataformetara heldu da.

Azken erromantikoak filmak jarraitzen du bere bide naturala egiten. Zinema aretoetako eta jaialdietako bidaia amaituta, streaming plataformetara egin du salto. Hain zuzen, HBO Max izan da bere katalogoan hartu duena. 

HBO Max Warner Bros konpainiaren zerbitzua da eta HBO kable bidezko telebista estatubatuar ospetsuaren edukiak eskaintzen ditu (The Wire, The Soprano edota Game of Thrones, esatearren), baita Discovery kanalarenak ere.

Orain, Txani Rodriguez laudioarraren liburuan oinarritutako pelikula batu dute euren eskaintzara. Gogoratu beharra dago filmaren protagonista Aiaraldeko beste herritar bat dela, Miren Gaztañaga antzezlea, alegia.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide