Astelehenean hegaldia izan ostean, atzokoa izan zen Laudio Institutuko ikasleek Finlandian osorik igaro duten lehen eguna. Goiz osoa Saaren Koulu eskolan egon ziren eta hasteko, ongi etorri bideoa ikusi zuten. Gero jolasak egin zituzten euren artean hobeto ezagutzeko eta ondoren ikastetxea eta Finlandiako hezkuntza sistema bertatik bertara ikusteko bisitaren ordua heldu zen.
Izan ere, duela hiru urte eraiki zuten irakasleen beharrak eta iradokizunak kontuan izanda eta, ondorioz, espazio zabalak, argitsuak eta malguak dira nagusi. 300 ikasle inguruk espazioak partekatzen dituzte, baina isiltasuna eta lasaitasuna edonon sentitzen dira, azaldu dutenez.
Hango kulturan eta ohituretan murgilduta, 11:00etan bazkaldu zuten eta gero sukaldaritza finlandiar tradizionalari buruzko tailerra egin zuten. Karelian pastelak prestatu eta dastatu zituzten.
Arratsaldean, aldiz, aiaraldearrak familia baten etxera joan ziren picnic-a antolatu zietelako.
Argazkiak: Laudio Institutua
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!