Buru-belarri sartu ziren atzo Aiaraldeko ikasleak Finlandiako historian eta ohituretan. Goizean azaldu zieten zer nolako eragina izan duten Suedia eta Errusia herrialdearen iraganean eta gero hizkuntzetan zentratu ziren, han hitz egiten direnetan eta finesaren dialektoetan, hain zuzen.
Finesa eta bere ezaugarriak ikasteko, zenbait esamolderekin jolastu zuten, eta herrialdeko kirol ofiziala ere aurkeztu zieten bisitariei: pesäpallo.
11:00etan, bazkaldu baino lehen, hockey izotz pistara jo zuten, eskolen arteko partidak ikusteko.
Otorduaren ondoren, Annala herri museoa bisitatu zuten eta XIX. mendean han nola bizitzen zen erakutsi zieten bertan, jokoen bitartez.
Eskolara itzultzeko paseoa egin zuten basoan eta amaitzeko izotz-pistan jokatu zuten hockeyan. Arratsaldean, aiaraldearrek zenbait plan egin zituzten euren harrera familiekin.
Argazkiak: Laudio BHI
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide