Ostiral goizean ikasleek Raahe hiria bisitatzeko aukera izan zuten, itsas-museoa eta herriko museoa ikusteko. Raahe kostaldeko herria da, XVII. mendean sortua, eta arrantzak eta arrantzaleek bertako historian izan duten garrantzia azaldu zieten.
Museo horretan munduko urpekaritza jantzirik zaharrena kontserbatzen da, txahala larruarekin XVIII. mendearen hasieran eginikoa, “Manhan herran” izenekoa.
Bazkalorduan Langin kauppahuone hotelera joan ziren. Eraikin historikoa da, alde zaharreko plaza nagusian kokatuta dagoena, eta XIX. mendeko merkatari batek eraiki zuen.
Finlandiar janari tradizionala bazkaldu ostean, gida bat zain zuten Raaheko alde zaharreko bitxikeriak kontatzeko (herriaren sorrera, egurrezko eraikin tipikoak, biztanleen ohiturak eta bizimodua…).
Ordubeteko bisita egin eta gero, ikasleek haien lagunekin Raahe bisitatu zuten eta familiek jaso zituzten asteburuko plan interesgarriak hasteko.
Harrera familien eskutik, aiaraldearrek iparraldeko hiri nagusira jo dute, Oulu izenekoa, eta familia batek beste bati Laponia ezagutzeko aukera eman dio.
Finlandiako ohiturak hobeto ezagutzeko, ur izoztuan bainua hartu zuten eta Oulun egon ziren.
Halaber, basoan barbakoa modukoa prestatu zuten saltxitxa erreak dastatzeko. Hara ikasle baten familiako traktorean igota heldu ziren.
Gauez ikuskizun zoragarriaz eta paregabeaz gozatu zuten, “Ipar argiak”. Irakasleek ere Ouluko Arte Ederretako museoa bisitatu zuten eta aukera izan zuten baita ere finlandiar "arrantza izotzean" praktika ezagutzeko, Pyhäjokiko irakasleek lagunduta.
Argazkiak: Laudio BHI