Agur Jaunak kantua jo zuten otsailean zendutako Rakataplako kidearen omenez, eta berari eskaini zioten erretreta.
Luze eta hunkigarria izan zen San Prudentzio bezperako jaia atzo Laudion. Eguerdian barraskilo dastatzea egin zuten Rakataplako kideek, 120 kilo inguru kozinatu eta banatuta. Arratsaldean, aldiz, Lankaietako Lagunak taldeko kideak atera ziren herriguneko kaleak txistu doinuekin animatzera.
Baina ekimen bereziena gaueko hamarretan hasi zen: erretreta. Aurten 200 pertsona inguru atera dira danbor-kalejiran. Ohiko eskema jarraitu zuten: herriko kale nagusietatik aritu ziren jotzen bi orduz, Herriko plazara iritsi arte. Bertan, aldiz, betiko gidoitik apur bat aldendu ziren Rakataplako kideak, Kani Bilbao Unzaga gogora ekartzeko. Otsailean zendu zen elkarteko kide beteranoa, eta musika bandak Agur Jaunak kantua jo zuen bere omenez. Ondoren, gaueko hamabiak puntuan, ohiko dabor-doinuak nagusitu ziren berriz plazan, Bilbaoren alabak udaletxeko balkoiko ikurriña altxatzen zuen bitartean, udal ordezkariekin batera.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
