Merkataritza Astea antolatu du Laudioko Udalak, tokiko establezimenduen aldeko hainbat egitasmo bilduta. Alde batetik, 2.000 euroko erosketa txartelak zozkatuko dituzte 10 euro baino gehiagoko erosketak egiten dituzten bizilagunen artean. Zehaztu dutenez, 54 establezimendu batu dira ekimenera.
Horrez gain, hainbat jardueraz osatutako egitaraua prestatu du tokiko erakundeak, eta loreek protagonismo berezia izango dute, Ludi Temiñok zehaztu duenez. "Baserritarren merkatua lorez apainduko da, tailerrak egingo dira, herriko elkarteek, Udalbatza barne, Laudioko estatuak lorez apainduko ditu, eta herrian jai giroa sortuko da", azaldu du lehen sektoreko zinegotziak.
Baina jarduera gehienak maiatzaren 31n egingo dituzte. Izan ere, merkatariek kalera atera ahalko dituzten euren produktuak egun horretan.
Hemen ikusi daiteke egitarau osoa:
"Merkatariek herriari emandakoa itzultzea" izango da egitasmoaren xedea, Iñigo Martinez Cerrilloren hitzetan. Zinegotziak nabarmendu du tokiko saltzaileak beti egon direla prest "negozioa itxi, kalera atera eta herriak zituen aldarrikapenen alde agertzeko".