Laudioko EAJk prentsa oharra zabaldu publikoki salatzeko Laudioko Udalak hainbat lizitazioaren kontratuak iraungita dituela eta, ondorioz, hileroko faktura bidez ordaintzen ari direla.
Jeltzaleek adierazi dute baten bat 2023an agortu zela eta garrantzia handia dutela erakundearen funtzionamendurako: "Egoera horretan dauden zerbitzuen artean daude kiroldegia, udalekuak, kultur etxearen kudeaketa, komunikazio instituzionala, igerilekuetako sorospen zerbitzua, ekintzaileentzako aholkularitza, hondakinen bilketa pneumatikoa eta Udalaren mantentze informatikoa, besteak beste".
Jeltzaleek gogor kritikatu dute egoera eta EH Bilduko gobernuari leporatu diote gardentasunik gabe aritzea eta arriskuak sortzea. "Lizitaziorik ezak, zerbitzuen kalitatea arriskuan jartzeaz gain, Udala oso egoera ahulean uzten du juridikoki eta ekonomikoki. Bizilagunei, enpresa hornitzaileei eta Udalaren irudiari kalte egiten dien egoera da", ohartarazi du Añibarrok.
Halaber, lizitazioak egikaritzeko egutegia exijitu diote EH Bilduri, eta baita atzerapenaren arrazoiak azaltzea ere.