Laudioko PSE-EEk formalki eskatu du HAPOren aurrerakinaren erakusketa publikoaren epea hilabete bat luzatzea, gaur amaitzen baita

Erredakzioa 2025eko ekainaren 20a

Loli Muriel zinegotzi sozialista, artxibo irudi batean. / Aiaraldea.eus

PSE-EEren aburuz, bestelako hirigintza proposamenak ere landu behar ditu Udalak.

Laudioko PSE-EEk oharra zabaldu du jakinarazteko modu formalean, hau da, administrazio prozedura jarraiki, eskatu diola udal gobernu taldeari hilabete bat luzatzeko Hirigintza Antolamendu Plan Orokorraren aurrerakinaren erakusketa publikoko epea. Gaur amaitzen da aurreikusitakoa eta, PSE-EEren iritziz, uztailaren 20ra arte iraun beharko luke.

Sozialistek azpimarratu dute euren helburua dela eztabaida lasaia, gardena eta berme demokratiko guztiekin sustatzea, hedabideetatik kanpo.

Horregatik, Loli Muriel zinegotzi sozialistak adierazi du epea uztailaren 20ra arte luzatu beharko litzatekela, "kanpo presiorik gabe".

Bide batez, PSE-EEren aburuz, aurrerakinak badauka gabezia bat, alegia, ez duela bestelako hirigintza proposamenik jasotzen. Sozialisten ustez, HAPOren zirriborro horrek iradokizun gehiago bildu beharko lituzke.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide