Aretako buruhandi eta hanka-luzeek eman diote ongietorria festetako marea gorriari

Aimar Gutierrez Bidarte 2025eko uztailaren 25a
Deskargatu Info Ahotsak :

Hasi dira Aretako Jaiak. Atzo jaurti zuten lehen suziria Kultur Etxeko balkoitik Aretako buruhandi eta hanka-luze taldeko kideek, Aretaren herri nortasuna aldarri.

Areta herria inoiz baino biziago dagoela aldarrikatu zuten atzo Aretako buruhandi eta hanka luzeek Kultur Etxeko balkoitik irakurritako pregoian. Duela berrogei urte sortutako animazio taldeak Aretako gazteengan topatu du erreleboa. Belaunaldien arteko transmisio eta harreman hori ospatu zuten atzo jaietako lehen txupinazoa jaurtitzeko ekitaldian. 

Aretako Gazte Asanbladak palestinar herria izan du gogoan txupinazo aurretik egindako elkarretaratzean. Gazteek gogor gaitzetsi dute Israelek Palestinaren aurka darabilen "genozidioa".

Igandera arte luzatuko dira Aretako jaiak, eta marea-gorria izango da protagonista nagusia. Makina bat ekintza antolatu dituzte, Aretako herri nortasuna aldarrikatzeko.

Argazkiak: Aimar Gutierrez Bidarte

Kultura Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide