Atzo eman zieten hasiera Ugarteko jaiei, ohiko eskema jarraituta: futbito txapelketako lehenengo finalerdia jokatu zen arratsaldean, eta zelaitik bertatik jaurti zuten txupinazoa.
Ugarte Auzolan taldeko kideak arduratu ziren pregoia irakurri eta lehen suziria pizteaz. Auzoan urte osoan zehar egiten duten lana jarri zuten balioan, eta elkartasun keinua helarazi zioten palestinar herriari ere.
Igandera arte izango dira Laudioko auzoko festak, eta egitaraua goizetik gauera arte luzatuko da egun guztietan.
Argazkiak: Txema Sallen
EGITARAU OSOA
Abuztuak 1, ostirala
11:00-13:30 // Umeentzako guneak, ohe elastikoa eta pedaldun kartak futbito zelaian KIRIKINO taldearen eskutik
17:00 // Benjamin mailakoen futbito txapelketa finala
17:30 // Umeentzako herri kirolak (lokotzak, zakuak,...) eta umeentzako guneak txosnagunean
18:00 // Kimu mailakoen futbito txapelketa finala
19:00 // Haur mailakoen futbito txapelketa finala
19:30 // Talo dastaketa UGARTEKO EMAKUME TALDEAren eskutik
20:00 // Kadete mailakoen futbito txapelketa finala
Jarraian, sari banaketa
22:30 // Kontzertuak:
IZATE FALTSUA, SKABIDEAN eta HBN
Abuztuak 2, larunbata
10:00 // Baserritar eta artisau azoka
10:30 // Pilota partiduak Lamuzako frontoian HERRIAREN taldearen eskutik
13:00 // Kalejira SAN ROKE MUSIKA ELKARTEAren eskutik
13:00 // Poteoa ARLOTEEN eskutik
15:00 // SAN INAZIO bazkari herritarra (*Tiketak Ugarte eta Pozo tabernetan salgai)
18:00 // Buruhandiak GALTZAGORRI taldearen eskutik
18:00 // Senior mailakoen futbito txapelketako 3. eta 4. postua
19:00 // Gazte mailakoen futbito txapelketa finala
20:00 // Senior mailakoen futbito txapelketako finala
Jarraian, sari banaketa
22:30 // Kontzertuak: ZINKHA, OINUTSIK eta PAKITA PENAS
Abuztuak 3, igandea
11:00 // Talo tailerra AUZOLAN TALDEAren eskutik
13:00 // Tortilla txapelketaren aurkezpena txosnagunean (*izen ematea 12:30ean)
Jarraian, sari banaketa
13:30 // Poteoa ARETAKO TXISTULARIen eskutik
16:00 // Tute txapelketa Ugarte Tabernan
18:00 // Bizkotxo txapelketaren sari banaketa txosnagunean
18:30 // Dantza plaza
19:00 // SAN ROKE MUSIKA ELKARTEAren kontzertua Ugarteko Iñaki Deuna elizan
20:00 // HERRI KIROLAK txosnagunean: lokotx bilketa txapelketa, txinga txapelketa
Jarraian, sari banaketa
20:00 // Odoloste jana AUZOLAN taldeak antolatua txosnagunean
23:00 // Jai bukaera traka