Ertzaintzak bi pertsona atxilotu ditu gaur Laudion, etxebizitza batean lapurtzea egotzita. Latiorro auzoko San Martin kalean atzeman dituzte bi pertsonak ertzainen eta udaltzainen artean, 20:45ak aldera.
21:30etara arte izan dituzte bi pertsonak San Martin kalean, eta ondoren eraman dituzte atxilotuta.
Ertzaintzaren prentsa oharra
Atxiloketa jazo eta biharamunean argitaratu du Ertzaintzak gaiari buruzko prentsa oharra. Poliziak jakinarazi duenez, Areta auzoan izan zen lapurreta. Hala azaldu dute oharrean: "Etxera itzultzen ari ziren bi pertsonak jarrera susmagarria zuten bi gizon ikusi zituzten, eta batek atzetik segitzen zien bitartean bestea etxera joan zen, eta sarrerako atea behartuta zegoela ikusi zuen. Berehala eman zuen abisua, eta Ertzaintza eta Udaltzaingoa lapurren bila hasi ziren trenbide inguruan, bertatik ihes egiten saiatu baitziren".
Zehaztu dutenez, 21 eta 24 urtekoak dira atxilotutako bi gizonak, eta epailearen esku utzi dituzte dagoeneko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
