Ion Egiak lehen postua erdietsi zuen Lizarrako Garaikurraren XXVIII. edizioan, iragan abuztuaren 17an. Iker Colmenero taldekidea podiumeko hirugarren postura igo zen.
Denboraldiko markarik onena erdietsi zuen Ion Egia Barañanok iragan abuztuaren 17an Lizarran, Lizarrako Garaikurraren XXVIII. edizioa irabazita.
Alimco-Campagnolo taldeko txirrindulari gazteak bakarrik gurutzatu zuen Lizarrako helmuga lerroa, 102 kilometroko ibilbidea bi ordu t'erdian osatu ostean.
Tropela 50 segundoko aldearekin iritsi zen helmugara, eta esprintean erabaki ziren podiumeko gainerako postuak. Hirugarren postua Ion Egiaren taldekide den Iker Colmenero laudioarrarentzat izan zen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.