Gaur arratsaldean hasi dira Latiorroko jaiak, ohiko eskema jarraituta. Arratsaldeko seietan danbor hotsek animatu dute Laudioko auzoa, bertako eskolako haur eta gurasoen eskutik. Handik ordubetera izan da txupinazoa, eta suziriaren jaurtiketarekin batera atera dira buruhandiak.
Untzueta dantza taldearen emanaldia egon da gero, eta 20:30ean elkarretaratzea egin dute Palestinaren alde, udan zehar beste herri eta auzo batzuetan egondako aldarrikapen olatuari segida emanez.
Igandera arte luzatuko dira festak auzoan. Hemen ikusi daiteke biharko egitaraua, eta hemen etzikoa.
Argazkiak: Naia Vallejo Torres, Aitor Aspuru Saez eta Txabi Alvarado Bañares eta Naroa Ugarte
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
