11:30ean abiatu dute manifestazioa lantegitik eta plazan herritar ugari zeuden euren zain, baita ikasle mugimenduko talde bat ere.
Gaur mobilizazio berria egin dute Maderas de Llodioko grebalariek. Lantegitik abiatu eta Herriko plazara jo dute, osteguneko azoka baliatuta. Bidean zenbait herritar atera dira balkoira txalotzeko eta animoak eskaintzeko, baina plazan askoz jende gehiago zegoen euren zain.
Ikamaren lanuztea
Babes hori ez ezik, ikasle mugimenduarena ere jaso dute. Izan ere, Ikama ikasle antolakundeak lanuztea deitu du Laudio Ikastolan eta Laudioalden, 11:00etatik 13:00ak arte. Gazte talde bat (neskak gehienak) batu dira pankarta baten atzean harrera egiteko, baina ikasle askoz gehiagok erantzun diote deialdiari, zeinek plazako ingurutan geratu diren.
Bihar goizeko bederatzietan mobilizazioa egingo dute berriro lantegiaren sarreran, bilera izango baitute zuzendaritzarekin. Herritarrei gonbidapena egin diete "dagokien ongi etorria" egiteko 39 kaleratze gauzatu nahi dituen enpresako ordezkariei.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
