Karitateko Alabak ordenako kideak 103 urtez egon dira Laudioko Ikastetxean.
Txiki geratu zen atzo La Milagrosa ikastetxeko areto nagusia. Omenaldia egin zieten bertan Karitateko Alabak ordenako kideei. Izan ere, irailaren 1ean utzi zuten ikastetxea mojek, amaiera emanez ordena horretako kideek hezkuntza zentroan eginiko 103 urteko ibilbideari.
Txistulari eta dantzariekin sartu ziren lau moja beteranoak ekitaldira, txalo artean. Laudioko apaizak gidatu zuen ekitaldi erlijiosoa, baina musikarako tartea ere utzi zuen, Andere Abesbatzaren eta Lankaietako lagunen eskutik.
Horrez gain, irakasle zein ikasleek ere hartu zuten hitza, eta bideo bat proiektatu zuten gero, ikastetxetik igaro diren hainbat pertsonen mezuekin (zuzendari, irakasle zein ikasle ohiak edota Guraso Elkarteko kideak, besteak beste). Bukatzeko, oholtzara igoarazi zituzten lau omenduak, arrosa eta oroigarri bana emateko.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
