JYSK multinazionalak denda irekiko du Laudion eta kontratazio prozesua abiatu du

Aitor Aspuru Saez 2025eko urriaren 1a
Deskargatu Info Ahotsak :

JYSK enpresako dendetako bat. / Wikipedia

Danimarkako multinazionalak denda irekitzeko asmoa iragarri du, baita langileak kontratatzeko ere.

JYSK multinazional danimarkarrak jakinarazi du denda irekiko duela Laudion, Arza poligonoan, hain zuzen. Araban izango duen bigarren salmenta puntua izango da hori, Gasteizen badauka beste bat eta.

Hori dela medio, asteko 30 orduko lanaldiko kontratazioak egingo dituela adierazi du. Eskaintza osoa hemen topatu daiteke. Hautagaiei malgutasuna exijituko diete, bai ordutegietan, zein ardura motetan.

Horrez gain, Aiaraldea Komunikabideak beste lan-eskaintza bat topatu du, lanaldi osoakoa, denda arduradunaren betebeharrak hartzeko. 

JYSK konpainiak altzariak eta dekorazio elementuak saltzen ditu. 1979an sortu zuten eta egun 3.500 denda baino gehiago ditu mundu osoan.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide