Abian dago Tokiko Bolatoki Sari Nagusia, 45 parte hartzailerekin

Txabi Alvarado Bañares 2025eko urriaren 17a

Iragan asteburuan egin zituzten lehen tiradak. / Ruperto Urkijo Bolatoki Kluba

Iragan asteburuan egin zituzten lehen jaurtiketak, eta abenduaren 13an izango da finala.

Urriaren 11 eta 12an hasi zen Tokiko Sari Nagusiaren LX. edizioa, Ruperto Urkijo Bolatoki Klubaren eskutik. Urteroko harrera beroa izan zuen ekimenak, 45 parte hartzaile bildu baititu.

Larunbat honetan egingo dituzte hurrengo jaurtiketak Laudioko San Roke Bolatokian, 11:00etatik 12:00etara eta 18:00etatik 19:30etara, eta urriaren 25 eta 26an batuko dira berriz.

Finala, aldiz, abenduaren 13rako hitzartu dute. Antolatzaileek azaldu dutenez, bi sailkapen ditu txapelketa, banakakoa eta binakakoa. “Lehenengo hiru asteetan, San Rokeko bi bolatokietan egiten dira jaurtiketak, eta 16 norbanako eta 8 bikote onenak igarotzen dira hurrengo fasera. Bigarren fasean buruz buruzko lehiak ematen dira, azaroan jokatzen direnak, eta finalak abenduan egiten dira”, adierazi dute.

Klubeko kideek nabarmendu dutenez, honakoa da eskualdean egiten den bolo txapelketa garrantzitsuenetako bat, “historikoenetako bat” delako eta “Arabako eta Bizkaiko jokalariak” batzen dituelako.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide