Maderas de Llodioko beharginek garaipen txiki bat izan dute gaur mobilizazioari esker. Izan ere, duela astebete harremanetan jarri ziren Eusko Jaurlaritzako Industria Sailarekin bilera eskatzeko eta atzo jakinarazi zieten hilabete amaieran egiteko asmoa zutela.
Post by @aiaraldea@tkm.eus
View on Mastodon
Gaur grebalariek Bilbora jo dute, Bizkaia plazara, eta SPRIren egoitzaren aurrean egin dute protesta. Mobilizazioa amaitzear zegoela, sindikatuek azaldu dute mobilizazioa egiten ari ziren bitartean Jaurlaritzak mezua bidali die bilera egiteko hurrengo astean.
Kontzentrazioak iraun bitartean, langileek zerrautsa bota dute eraikinaren sarreran, erakunde publikoen inplikazio falta salatzeko.
Bihar mobilizazio gehiago
Edonola ere, kaleratze eta deslokalizazio arriskuan dagoen lantegiko beharginen mobilizazioek bihar jarraituko dute 11:30ean fabrikako sarreran eta 12:00etan Alberto Acero plazan.
Argazkiak: Maderas de Llodioko grebalariak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
