CD Laudiok jakinarazi du igandean sarreren politika berezia egongo dela indarrean Ellakurin. Izan ere, 16:00etan Amurrio Clubaren kontrako Aiaraldeko derbia jokatuko du lehen taldeak, baina horrez gain, 18:30ean estatuko kategorian jokatzen duen gazte taldeak Athletic Brekin neurtuko ditu indarrak.
Berez, futbol klubak azaldu du partida bakarra zein biak ikusteak prezio bera izango duela: zortzi euro. Izan ere, Athletic Bren bisita hitzordu berezitzat jo dute. Edonola ere, adingabeek doan sartzeko aukera izango dute, leihatiletan txartela eskatuta.
Zuzendaritzaren gomendioa da aldez aurretik joatea kirol azpiegiturara, jendetza ez pilatzeko.
Bigarren derbia aste bakarrean
Berez, astebete eskasean CD Laudiok eta Amurrio Clubak jokatuko duten bigarren partida izango da biharkoa. Aurreko igandean Arabako Kopako kanporaketan lehiatu ziren eta amurrioarrek garaipena lortu zuten, 1-3 irabazita.
Erraldoiekin lehian
Gazte kategoriako CD Laudiok, bere aldetik, ibilbide positiboa eta gorabeheratsua izan du estatu mailan. Hiru partida galdu ditu Real Sociedad B, SD Eibar B eta Hernaniren kontra, baina Arratia, Tolosa eta FC Santutxu B menderatu ditu. Barakaldoren aurka, aldiz, berdinketa lortu zuen.