Joseba Iraolaren esperientziek eta ibilgailuak liluratu zituzten motorzaleak ostiralean

Erredakzioa 2025eko azaroaren 17a
Deskargatu Info Ahotsak :

San Roke Racing klubak Joseba Iraola mendiko igoera diziplinako Europako, estatuko zein Euskadiko hainbat aldiz txapelduna gonbidatu zuen ostiralean.

Motorzaleek hitzordu interesgarria izan zuten ostiralean Laudion. Izan ere, Joseba Iraola txapelduna egon zen bere bizipenak partekatzen erabilera anitzeko udal aretoan. Bertaratuek aukera izan zuten euren galderak egiteko eta mendi igoerako lehiaketei buruzko interesa adierazi zuten.

Horrez gain, kirolari arrakastatsuak Nova NP-01 ibilgailua ekarri zuen berarekin eta ikusgai izan zuen Herriko Plazan. Ez hori bakarrik, bere motorra piztu zuen eta zaletuek makinaren orroa entzuteko parada izan zuten.

San Roke Racing kluba izan zen antolatzailea eta azpimarratu dute Iraolak etengabe hitz egin zuela agertutako jarraitzaileekin: "hark gertutasunez eta adeitasunez erantzun zien, motor eta lehiaketa munduko giro ezin hobea sortuz".

Argazkiak: San Roke Racing

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide