Envases Metalúrgicos de Álava enpresak mahai-ingurua deitu zuen eskualdeko Lanbide Heziketako ikastetxeekin, hau da, Zaraobe eta Laudioalderekin. Konpainiak azaldu du eskolekin lankidetza indartzearen aldeko apustua egiten duela eta horregatik antolatu zuela topaketa.
Edukiari dagokionez, Envasesek bi ildo landu zituen:
- Ikastetxeetan trebatutako profesional berriak erakartzea, egungo eta etorkizuneko produkzio-prozesuetan integratzeko beharrezkoak diren gaitasunak dituztela ziurtatuta.
- Jardunean dauden profesionalen ezagutzak eguneratzea, teknologia berrietara eta etorkizuneko erronketara egokituz. Izan ere, Envasesek azpimarratu du teknologia berriak gero eta gehiago eta azkarrago garatzen ari direla.
Gauzak horrela, Envasesek nabarmendu du digitalizazioaren eta adimen artifizialaren erabileraren aldeko apustua egin duela datuak aztertzeko, industria eraginkorragoa eta konektatuagoa lortzeko.
Era berean, diziplina askotariko prestakuntza teknikoa funtsezkotzat jotzen du produkzio-prozesu guztietan. Enpresak, halaber, talde anitz eta heterogeneoak sortzearen aldeko apustua egin du, kultura anitzetako pertsonak sartzea eta industrian emakumeen presentzia sustatuz.
Azkenik, ingelesaren ezagutzak ekoizpen-profiletan gero eta garrantzi handiagoa duela nabarmendu du enpresak, bai nazioarteko teknikariekin komunikatzeko edota jarraibideak ulertzeko.