Hardcore Hits Cancer ekimeneko Laudioko kideek euren materiala Izarrara eramango dute larunbatean Urkarock jaialdian parte hartzeko. Beste 50 musika talde, artisau eta diseinugilerekin batuko dira azokan 11:00etatik aurrera.
Jaialdi autogestionatuak kontzertuak, grafiti tailerrak, zuzeneko tatuaje saioak, bertsolariak, haurrentzako jarduerak, aurpegi margoketak eta hitzaldi irekiak eskainiko ditu.
Bi gunetan banatuko dituzte jarduerak. Algaragunean azoka egingo dute. Aldiz, Zaratagunea eremu musikala izango da, eguneko agertoki nagusia. Bertan egingo dituzte eguneko zein gaueko kontzertuak.
Horrez gain, bazkari herrikoia eta afaria ere egongo dira aretoan bertan, egun osoan zehar bizikidetza-giroa sustatzeko.
21:00etatik aurrera, Mozkor Alaiak, Koltan, Astalapo, Kolapso, Mazedonia Kimika eta DJ Txatxis taldeen kontzertuak egongo dira oholtza nagusian.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
