Euskararen Nazioarteko Egunak Laudioko ikastetxe guztietako ikasleak batu ditu Herriko plazan. Eskolan landutako euskararen aldeko mezuak irakurri dituzte bertan.
Urtero bezala, Laudioko ikastetxe eta euskaltegi guztietako ikasleak batu ditu Euskararen Nazioarteko Egunak. Herriko plazan elkartu eta eskolan landutako euskararen aldeko mezuak irakurri dituzte.
Euskararen Nazioarteko Egunak beste nazioarteko egun batekin egiten du bat: Aniztasun Funtzionala duten Pertsonen Nazioarteko Egunarekin, hain zuzen ere. Azken horiei aitortza egin nahi izan diote gaur eguerdiko ekitaldian. Aniztasun funtzionala duten pertsonen izenean Eginaren Eginez elkarteko kide den Noelia Da Costak hartu du hitza, hizkuntzaren garrantzia azpimarratuz.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
