Langabeak eta beharginen bila dauden enpresak harremanetan jartzeko enplegu azoka egingo dute hurrengo ostegunean

Erredakzioa 2025eko abenduaren 4a
Deskargatu Info Ahotsak :

Laudio Hazin izango da azoka. / Aiaraldea.eus

Aiaraldeko Enpresen eta Autonomoen Federazioak berak deitu du I. Enplegu Azoka Laudio Hazin.

Kontratazioak egin nahi dituzten enpresak eta autonomoak eta langabe dauden herritarrak harremanetan jartzeko I. Enplegu Azoka deitu dute hurrengo ostegunerako Laudion. Hain zuzen, Laudio Hazin (Hiru Kurutzetan) izango da ekimena 09:30etatik 12:00ak arte.

Parte hartzeko eta izena emateko 623 41 59 20 telefono zenbakira deitu beharra dago. Informazio gehiago ere eska daiteke info@aiaraldealanea.eus helbide elektronikoan.

Hain zuzen, Aiaraldea Lanean eskualdeko enpresen eta autonomoen federazioak antolatu du ekimena Vital Fundazioaren laguntzaz eta enplegua lortu nahi dutenen zein tokiko enpresarien beharrak asetzea da helburua.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide