Laudioko udal gobernu taldearen bi ordezkari, Ainize Gastaka alkatea eta Iñigo Martinez zinegotzia, egon ziren Envases enpresan abenduaren 5ean, arduradunekin hitz egiteko.
Nagusiki, bi gai jorratu zituzten: lehiakortasuna mantentzeko zailtasunak eta lurzoru industrial berrien gabezia.
Halaber, konpainiak aukera baliatu zuen erakusteko aurten egin dituzten inbertsioak eta zarata murrizteko hartzen ari diren neurriak, nahiz eta Envasesen soinu maila legeak ezarritakoaren azpian dagoen.
Enpresak Laudioko Udaletik jasotako lankidetzarako borondatea eskertu du, herrian 77 urtez sustraitutako enpresa baita eta herriari sustraituta jarraitu nahi baitu.
Alkateak eta zinegotziak enpresa zuzendaritzaren hurbiltasuna eta herriarekiko erakutsitako errotzea goraipatu dute, baita bisita ehuneko ehunean euskaraz egiteko izan duen gaitasuna ere.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
