Abenduaren 23an lehenengo aldiz prestatu zuten truke azoka Laudio Institutuan. Berez, Agenda 2030 egitasmoaren barruan egin zuten, eta ikasle, irakasle zein gainontzeko langileek bildutako objektu ugari izan zituzten.
Izan ere, azken asteetan komunitate osoak eraman ditu arropa, zapatak, bitxiak, liburuak, jostailuak, osagarriak...
Berez, asmoa Institutuko Agenda 2030 proiektuan aritzen diren irakasle eta ikasle "ekoordezkarien" artean sortu zuten eta, zehazki, kontsumismoari aurre egiteko bigarren eskuko azoka egitea iradoki zuten.
Antolatzaileek oso modu positiboan baloratu dute ekimena: "Izandako ideiak bere fruituak eman ditu: bilketa bezain arrakastatsua izan baita azoka bera. Goiz osoan txandaka maila desberdineko ikasleak pasa dira bertatik lagun ezkutu, opari zein auto-opari moduan aproposa zena eskuratuz. Lagun, ama, aita, lehengusu, aiton zein amonek eskertuko dute ziur! Eta naturak are gehiago!".
Argazkiak: Laudio BHIko A2030eko taldea
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
