Bertso artean hasi du ibilbidea Gurdi Gaztetxeak

Aimar Gutierrez Bidarte 2026ko urtarrilaren 10a
Deskargatu Info Ahotsak :

Bertso-afari batekin ekin dio bere ibilbideari ateak zabaldu berri dituen Gurdi Gaztetxeak. Izar Mendiguren eta Asier Alcedo bertsolariak aritu ziren kantuan bart iluntzean, dozenaka gazteren aurrean.

Iragan urtarrilaren 5ean zabaldu zituen ateak Laudioko Gurdi Gaztetxeak eta bart iluntzean antolatu zuten Suberri Gazte Asanbladako kideek lehenengo ekintza bertan. Izar Mendiguren eta Asier Alcedo bertsolarien konpainian gauerdira arte luzatu zen bertso-afaria antolatu zuten gune autogestionatu berrian. Arrakastatsua izan zen oso gaztetxeko lehenengo jarduera, 90 gazte baino gehiago batu baitziren bertan.

Martxa hartuta dago Larrazabal auzoko gaztetxea. Asanblada irekiak egiteari ekingo diote igande honetatik bertatik, 17:30etatik aurrera. Gainera, iragarri dutenez, datorren larunbatean (urtarrilak 17) kontzertuak eskainiko dituzte.

Argazkiak: Aimar Gutierrez Bidarte

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide