Bakarrizketa probalekua izango da Faktoria bihar berriro ere eta maila handiko gonbidatuak aurkeztuko ditu Julen Pagazaurtunduak 19:00etatik aurrera; Beñat Iturbe gidoilaria, Lide Arregi bertsolaria eta Gaizka Sarasua antzezlea.
Iturbe Iruñekoa da eta ibilbide luzeena dauka umorearen esparruan. Gidoilaria da telebistan ogibidez eta bere testuekin osatutako saio bereziak grabatu ditu jadanik. Horrez gain, podcasterra ere bada, Tom Cruising egin du, baina egun badauka beste bat umorean zentratuta: Grazia. Azken proiektu horretan Mikel Pagadi, Anton Telleria edota Divina Comedia elkarrizketatu ditu.
Horrez gain, aipagarria da bakarrizketari ospetsuagoak gonbidatu dutela euren saioetara —La ruina programan egon zen— edota euren ikuskizunak irekitzeko.
Lide Arregi oñatiarra, ordea, urte gehiago eman ditu bertsolaritzaren munduan, eta duelaurtebete hasi zen bakarrizketak egiten. Bere trebeziaren lagin bat erakutsiko du bihar.
Gaizka Sarasua, bere aldetik, antzezlea da. Hala ere, diziplina horretarako trebatzeko orduan, stand up komedia egiteko ere prestatu du bere burua eta bihar egongo dira ikusgai lan horren emaitzak.