Jendez bete zen Orbeko Etxea larunbatean. Palestinaren aldeko jardunaldiak egin zituzten Laudioko Gardea auzoko gune autogestionatuan eta ehundik gora lagun bertaratu ziren egun osoko egitarauan parte hartzera.
Solasaldi batekin abiatu zuten ekimena. Palestinako genealogia transfeminista errepasatu zuten bertan, Israelen aurka mendebaldeko herrialdetatik nola borrokatu ere izan zuten hizpide.
Bazkari solidarioa egin zuten ondoren, eta kafe irlandar dastatzearekin girotu zuten arratsaldeko lehen txanpa, Irata bikote akustikoaren musikaz lagunduta. Ondoren, kontzertu maratoiari eman zioten paso. Miren Narbaiza, Perlata, Electrikass, Aihotz, Old Time Spooks eta Berba Labanakaz taldeak igo ziren baserri okupatuko oholtzara, ekimena gauera arte luzatuz. Antolatzaileek zehaztu dutenez, Palestinara bideratuko dute egunean lortutako diru guztia.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
