Peru Abarrategik saioa irabazi eta finalaurrekoetarako pasea lortu du Laudion

Maider Ramirez Martin 2026ko otsailaren 16a

Laudioko saioan parte hartu duten bertsolariak. / Arabako Bertsozale Elkartea

Lamuza parkeko Kasinoan izan da saioa. Ekaitz Samaniegok eskuratu du bigarren postua eta Andere Arriolabengoak hirugarrena.

Igande arratsaldean hartu zuen Laudiok Arabako Bertsolari Txapelketako lehen faseko bigarren saioa. Peru Abarrategi izan zen puntu gehien lortu zituen bertsolaria: 251,5. Aramaioko finalaurrekoetarako pase zuzena eskuratu zuen modu horretan.

13 bertso puntuagarri kantatu ostean, honela geratu zen atzoko saioko sailkapena: Ekaitz Samaniego izan zen bigarren 241 punturekin; hirugarren Andere Arriolabengoa 236,5 punturekin; laugarren Aitor Ugarte 233 punturekin; eta bosgarren eta seigarren Hegoi Amabizka eta Manu Bendala, 222,5 punturekin bakoitza.

Irati Martinez Izagak egin zituen gai-jartzaile lanak.

Hurrengo saioa otsailaren 21ean izango da Izarrako Kultur Etxean, 17:30ean.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide