Maderas de Llodioko langileen ordezkari sindikalek argi azaldu dute gaur bilera egon arren, ez dela aurrerapausorik gertatu indarrean dagoen lan gatazka amaitzeko.
Berez, 9:30ean elkartu dira Arabako Foru Aldundiko egoitza nagusian beharginen ordezkaritza, Garnicako zuzendaritza, Saray Zarate Garapen Ekonomikoko Diputatua eta Eusko Jaurlaritzako kideak ere.
Batzarrean enpresak borondatea adierazi du egoera bideratzeko, baina sindikatuek azpimarratu dute jarrera hori ez dela konpromisotan islatu: "Berronartzeen inguruan hitz egin dugu, baina Garnicak aipatu du hori gertatzeko borondatezko kaleratzeak egon behar direla".
Edonola ere, negoziazioak ez dira amaitu eta hurrengo astean bilduko dira berriro alde guztiak. Hasierako proposamena da Gasteizen izatea berriro hitzordua, baina sindikatuek Laudioko Udaletxean egin nahi dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
