Laudio Igeriketa Klubak larunbat izugarri bizia izango du, 400 kirolari elkartuko baititu Granja Udal Kiroldegian goizez. Hitzordu lehiakorra izango da, baina helburu nagusia izango da parte hartzaileek gozatzea.
Gauzak horrela, jardunaldia 09:30ean hasiko da eta lehenik eta behin 2020 eta 2023 urteen artean jaiotako haurrek hartuko dute igerilekua, erakustaldia egiteko. Aukera ona izango da gurasoek eta ingurukoek ikus dezaten umeek garatutako trebezia.
Horren ondoren ekingo diote lehiatzeari eta azken proba berezia izango da. Hain zuzen, txandakako lasterketa egingo dute eta talde ezberdinetako igerilariak nahastuko dituzte horretarako. Goiza sari banaketarekin amaituko dute.
Zuzendaritza berria dauka klubak eta ilusioz ekin diote lanari. Horren isla da gonbidatu duten taldeen zerrenda:
- Menditxo (Araba)
- Judizmendi (Araba)
- Urgain (Araba)
- Zadorra (Araba)
- Bilbo (Bizkaia)
- Ciudad de Oviedo (Asturies)
- Bahía Ostende (Kantabria)
- Viladecans (Katalunia)
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
