Elorritxugauez mendi lasterketan izena emateko epea gaur amaituko da, larunbatean izango baita

Aitor Aspuru Saez 2026ko martxoaren 5a
Deskargatu Info Ahotsak :

Gauez egiten den mendiko lasterketa da Elorritxugauez./ Aiaraldea

Orkatzak taldek antolatzen du proba eta azpimarratu du gaur agortuko dela inskripzioa egiteko epea.

Larunbatean 19:30ean egingo dute Elorritxugauez lasterketa Laudion. Bi urtean behin antolatzen dute. Alberto Acero plazan izango du irteera eta helmuga eta 17 kilometroko ibilbidea eta 800 metro inguruko desnibel positiboa izango ditu. Gogoratu beharra dago hitzorduaren berezitasuna dela gauez egiten dela.

250 lasterkari ingururen parte hartzea espero dute eta gaur da izena emateko azken eguna. Inskripzioa hemen egin daiteke. Banaka edo bikotek egiteko aukera dago eta prezioa 30 eurokoa da.

Basoetako Orkatzak mendi kluba da antolatzailea eta azpimarratu dute herriko zein kanpoko kirolari asko erakartzen dituztela, natura eta Aiaraldea ezagutzeko parada ematen baitu ibilbideak.

Antolatzaileek aipatu dute ibilbidea diseinatzeko orduan ingurumenaren zaintza dela jardueraren oinarrietako bat. Halaber, eskertu dute elkarteen, negozioen, erakundeen eta boluntarioen laguntza eta herritarrak gonbidatu dituzte ikusle moduan aritzeko.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide