Eduki hau partekatzeko esteka arbelera kopiatu da.
Anonimak taldearen ikuskizuna baliatu dute erretiratzear dauden irakasleak omentzeko.
Ikuskizun hunkigarria eskaini zuen Anonimak taldeak atzo gauean Laudioko Alberto Acero plazan. Emakume erreferenteak erdigunean jarri zituzten Balmasedako sei musikariren artean, kantuak proiekzioekin uztartuta, eta aukera baliatu zuten Laudioko hezkuntza zentroetan urte luzez aritu diren zazpi emakume omentzeko.
Laudion Ikastolatik Josune Cortazar Kanpok jaso zuen aitortza, La Milagrosatik Ana Mari Muguruza Goirik, Violeta Arenas Gonzalez eta Pilar Martinez Ruizek Latiorro Ikastetxetik eta Marian Fernandez Cossiok Lamuza Eskolatik. Laudio Institututik, aldiz, Itziar Duandikoetxea Gonzalez eta Alazne Ibarrondo Salazar omendu zituzten.
Lore-sorta eta opari bana eman zioten omendu bakoitzari, eta lankide zein ikasle ugari bertaratu ziren babesa helaraztera.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
