Atzo Zaballako espetxean hilik agertutako gaztea laudioarra zen eta familiak salatu du ez duela informaziorik jaso

Aitor Aspuru Saez 2026ko apirilaren 11

Zaballako espetxea artxibo irudi batean. / Ataria.eus

Astelehenean atera behar zen espetxetik eta senideek azaldu diote Aiaraldea Komunikabideari ez dutela daturik jaso.

Atzo gizon gazte bat hilik agertu zen Zaballako espetxean. Presoa laudioarra zen eta astelehenean atera behar zen kartzelatik. Zenbait hedabidek adierazi dute ez zuela indarkeria zantzurik, baina Aiaraldea Komunikabidea bere familiarekin jarri da harremanetan eta aipatu du ez duela informaziorik.

Senideek soilik dakite autopsia egin behar diotela gorpuari, baina azpimarratu dute ez dutela aukerarik izan ezta ikusteko ere eta ez dietela aparteko daturik eman.

Dirudienez, atzo 10:00ak aldera komunikatu zieten heriotza eta geroztik ez dakite ezer gehiago. "Bere bila joateko deia espero genuen, astelehenean aterako zelako behin betiko, baina ez da horrela izango", argitu dute.

Berez, ez da aurten Zaballako presondegian gertatu den lehen heriotza, otsailean beste preso bat zendu baitzen.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide