Larunbat goizean hiru pertsona atxilotu zituen Ertzaintzak Laudion, jabegoaren kontrako delituen ondorioz. Alde batetik, 21:30ak aldera herriko komisaldegian ohartarazi zieten goizean Bilboko Abando auzunean aparkatuta zegoen auto batean lapurtutako musika entzuteko gailu elektroniko bat geolokalizatu zutela udalerriko etxe batean.
Polizia tokira bertaratu zen eta aurrekariak dituzten bi gizonezko atxilotu zituen, 29 eta 35 urtekoak. Gailua ez ezik, eraztun bat, lepoko bat eta kirol zapatak ere topatu zizkieten.
Indarrez egindako lapurreta leporatu ostean, atxilotu eta atzo epaileen esku utzi zituzten.
Bestalde, ordu batzuk beranduago, 02:45ak aldera, Ertzaintzaren patruila batek gizon bat identifikatu zuen autoen barruan zer zegoen begiratzen zuen bitartean. Handik gutxira, Udaltzaingoa bertaratu zen ere eta jakinarazi zuen lapurreta bat egon zela Latiorron ibilgailu batean. Miatu ostean, desagertutako eguzki betarreko batzuk aurkitu zizkioten.
43 urteko gizonezkoak ere aurrekariak ditu jabegoaren kontrako delituengatik eta indarrezko lapurreta ere egotzi zioten epaitegian utzi baino lehen.
Bi esku-hartzeetan topatutako objektuak jabeei itzuli dizkiete jadanik.