Varsoviara iristean, arratsaldean bertan, ikasle poloniarrak eta haien familiak zain zeuden aireportuan. Harrera beroa eta atsegina izan zuten eta euren ustez, esperientzia berezia izango dute.
Bidaiaren lehen eguna jarduera ugariz bete dute. Goizean, ikasleak klase saioetan egon ziren buru-belarri, bertako hezkuntza sistemaren dinamika ezagutzeko aukera paregabea eskaini diete eta. Ondoren, Harrera Ekitaldia eskaini zieten: poloniar ikasleek prestatutako dantza eta musika emanaldi eta herrialdeari buruzko aurkezpena.
Eguerdi aldera, hiria ezagutzeko lehen urratsa eman zuten, autobusa eta tranbia hartuta, Varsoviako erdigunera jo zuten. Horrela, ikasleek lehen harremana izan dute hiriaren giroarekin. Bertan, bi orduko bisita gidatua egin zuten ingelesez, bertako gida baten eskutik. Ibilbidean zehar, Varsoviako historiaren pasarte garrantzitsuenak ezagutzeko aukera izan zuten, baita hiriaren berreraikuntzaren inguruko xehetasun interesgarriak ere.
Bisita gidatua amaitu ondoren, ikasleak talde txikitan antolatu eta bazkaltzera joan ziren, bakoitza bere gustuen arabera hiriko jatetxe eta tabernetan esperientzia gastronomiko berriak izateko. Une aproposa izan zen, halaber, poloniar ikaskideekin harremanak sendotzeko eta eguneroko bizipenak partekatzeko.
Bazkalostean, arratsalde libreaz gozatzeko aukera izan zuten atzo. Denbora hori aprobetxatuz, askok bisita gidatuan ezagututako lekuetara itzuli ziren, oraingoan lasaitasun handiagoz, xehetasunetan arreta jarriz eta argazkiak ateraz. Horrela, goizean jasotako azalpenak barneratzeko eta hiriaren xarmaz sakonago gozatzeko aukera izan zuten.
Argazkiak: Laudio Institutua