Miguel Ibarretxe musikariak disko berria kaleratu du Barruko mendiak. Maik Falls alter egoaren bitartez egin du izen horrekin plazaratutako hirugarren lana da. Aurretik izan ziren Reset (2016), Eyes Shut (2018) eta Pause (2023).
Musikari dagokionez, elektronika alde batera utzi gabe, trip hop, lofi eta downtempo doinuak atzean utzi eta ambient generoan sartu da buru-belarri. Aldaketa hori azaltzeko, sortzaileak aipatu du musika mota horrek aukera ematen diola hitzez adierazi ezin dena esateko.
Dena den, hori ez da lan berriak islatzen duen berritasun bakarra. Izan ere, abesti guztien izenburuak euskaraz dira:
- Baserria
- Basoa
- Baseliza
- Etxola
- Gailurra
- Aitzuloa
- Aterpea
- Barruko mendiak
Horrez gain, ilustrazio guztiak egileak berak sortu ditu eta berak gogoko dituen tokiak islatzen dituzte.
Bi elementu berri horiei buruz galdetzean, Ibarretxek honako hau erantzun du: "Nire diskoa mendiarekiko dudan pasiotik sortzen da, eta edizio fisikoan ikus daiteke: mendiak, baselizak, baserria, haitzuloa… . Baina geruza hori sarrera besterik ez da. Musikan sartzen zarenean —CDan ez dago inolako mendiak edo....— lurralde fisikotik lurralde pertsonalera pasatzen zara. Mendiak geografia izatetik metafora izatera igarotzen dira. Albumak barruko mendiak ditu hizpide: prozesu emozionalak, barne begirada. Mendian bezala, badira gogortasun uneak, isiltasuna, lainoa eta argitasuna. Musikak barruko bidaia hori lagundu nahi du".
Horrez gain, bere senide baten omenaldia txertatu du: "Diskoan oso maite nuen senide baten argazkia agertzen da (Ascensión Ibarra); tiple komikoa izan zen, zarzuela eta operako kantaria. Haren presentziak memoria, sustraiak eta transmisioa ere ekartzen ditu diskora".
Barruko mendiak bandcamp bidez eskuratu daiteke, baina Aiaraldea Komunikabideak bi kopia ere zozkatuko ditu, hemen.