Goizean, ikasleek Techno School izeneko zentrora joan dira, non batxilergoko prestakuntza teknologian eta programazioan oinarritzen duten. Michał Taborowski zuzendariaren gidaritzapean, tailer dinamiko eta interesgarria izan dute poloniar lagunekin batera. Bertan, adimen artifizialaren oinarrizko funtzionamendua ezagutzeaz gain, Teachable Machine eta Scratch bezalako aplikazioak erabili dituzte AA ereduak “entrenatzen” ikasteko.
Eguerdian eskolan bertan bazkaldu ondoren, ikasleak tranbiaz joan dira eguneko bigarren jarduerara: E. Wedel txokolate-faktoriara bisita. Bertan, kakaoaren jatorria eta ibilbidea ezagutzeko aukera izan dute, baita txokolatearen ekoizpen-prozesua sakon aztertzeko ere. Gainera, Wedel familiaren historia eta markak Poloniako ekonomian eta kulturan izan duten eragina ezagutu dituzte.
Bisita gozoa izan da hitzez hitz, ikasleek produktu ezberdinak dastatzeko aukera izan baitute. Jarduera amaitzeko, datorren urtean 100 urte beteko dituen markaren museoa ere bisitatu dute. Azkenik, lantegiko terrazatik Varsoviako skyline ikusgarria miresteko aukera izan dute, eta eguna amaitzeko, ikasleak euren ostatu-lagunekin elkartu dira hiriko beste txoko batzuk ezagutzen jarraitzeko.
Argazkiak: Laudio Institutua