Omniak kritikatu du udal gobernuak ez duela abiatu Alberto Acero azokan aparkalekuak egiteko ikerketa

Aitor Aspuru Saez 2026ko maiatzaren 8a
Deskargatu Info Ahotsak :

Omniako zinegotziak, artxibo irudi batean. / Aiaraldea.eus

Alderdi independenteak haserrea adierazi du 2025eko aurrekontuetan hori adostu zuelako EH Bildurekin.

Omniak prentsa oharra zabaldu du bere amorrua azaltzeko Laudioko udal gobernu taldearekin. Berez, alderdi independenteak salatu du 2025eko aurrekontuak babesteko 26 jarduera adostu zituela EH Bildurekin eta soilik lau egikaritu dituztela. Bete ez direnen artean zegoen Alberto Aceroko azokako lursailan aparkalekua eraikitzeko aukerarik dagoen aztertzea.

Oposizioko alderdiak nabarmendu du eraikin hori ezjabetzeko prozesua amaitu dela (aurreko jabeak horrela exijitu zuen) eta, ondorioz, ez duela ulertzen zergatik ez den ikerlanik hasi.

Omniaren iritziz, ulertezina da jarduera hori abiatu ez izana. Izan ere, iazko martxoan onartu zituzten aurrekontuak eta maiatzean bertan Alberto Aceroko bizilagunek sinadura bilketa egin zuten helburu berarekin.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide