Erronka kitzikagarria izango du CD Laudioko gazte taldeak larunbatean 16:00etan Ellakurin. Izan ere, Nazional mailako azken jardunaldia da eta kategoria hori galduko duen azken taldea jokoan egongo da.
Berez, CD Laudiok 39 puntu ditu eta berdinduta dago Santutxu FC B eta Tolosa CDrekin. Zarautz KEk puntu bat gehiago dauka eta Bergarak KEk eta Hernani CDk, aldiz, bi puntuko aldea dute.
Laudioarrek ahalik eta jarraitzaile gehien elkartzeko deia zabaldu dute eta gogoratu dute bere kapitainak lesioa izan duela eta ezingo duela futbol zelaira atera.
Jokoan dauden azken hiru puntu horiek, hortaz, sei talde horietako bat kondenatuko dute maila galtzera eta presioa handia izango da. Gauzak horrela, CD Laudio jadanik kategoria galdu duen Arenasen kontra lehiatuko da. Borroka horretan buru-belarri sartuta dauden talde batzuek ere neurtu beharko dituzte indarrak zuzenean, Santutxu B-k eta Bergarak alde batetik, eta Hernanik eta Tolosak bestetik, hain zuzen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
