Laudioko ikastetxeek ekin diote olibondoa landatzeari Israelek hil dituen ume palestinarrak gogoratzeko. Berez, Pagadietatik olibondoetara herrien arteko elkartasuna egitasmoaren harira egingo dute, Gure haurrak ere badira plataformak abiatuta.
Pasa den astean Lamuza plazan elkartu ziren Areta Herri Eskola, Latiorro Ikastetxea, Lamuza Eskola, La Milagrosa Ikastexea, Laudio Ikastola, Laudio Institutua, Kirikiño Taldea eta Kokoriko Hezkuntza Faktoriako ordezkariak, Laudio-Palestina taldeak deituta, zuhaitzen aleak banatzeko.
Aste honetan ekin diote olibondoak landatzeari -Aretako Herri Eskola, kasu- eta, adibidez, Laudio Ikastolak Nakbaren urteurrenean egingo du, maiatzaren 15ean. Egun horretan oroitzen du herri palestinarrak Israelek abiatutako garbiketa etniko operazioa hainbat herrixketan.
Bestalde, Laudio Palestina taldeak olibondoa landatuko du maiatzaren 28an, hileko azken osteguna, 19:00etan Lamuza plazako lorategian, genozidioa salatzeko monolitoaren ondoan, hain zuzen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
