Omenaldia jaso dute Laudioko adineko pertsonek, "herriaren eraikuntzan" egindako lanagatik

Aimar Gutierrez Bidarte 2026ko maiatzaren 14a
Deskargatu Info Ahotsak :

Juana Mari Menayo, Jose Mari Nuñez, Arantza Arrizabalaga, Sabino Garamendi eta Mari Angeles Arbaizagoitia omendu zituzten atzo, Laudioren "iragana, oraina eta etorkizuna" eraikitzeko egin duten lanagatik.

Omenaldi hunkigarria jaso zuten atzo Juana Mari Menayo, Jose Mari Nuñez, Arantza Arrizabalaga, Sabino Garamendi eta Mari Angeles Arbaizagoitia laudioarrek Lamuza Parkeko Kasinoan.

Laudioko Udalak bost lagun horietan gorpuztu du adineko pertsonek urte luzez "herria eraiki eta komunitatea saretzeko" egindako lan eskerga.

Bost protagonisten bizipenak jasotzen dituen ikus-entzunezko pieza aurkeztu zuten ekitaldian. Aurretik, topaketa egin zuten Latiorro Eskolako, Lamuza Eskolako eta Laudio Ikastolako 6. mailako ikasleekin; belaunaldien arteko bizipenak elkarbanatu eta "Laudioko iragana, oraina eta etorkizuna uztartzeko".

Argazkiak: Aimar Gutierrez Bidarte

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide