Kanpaina berria abiatu du Apillek, Laudioko merkataritza eta ostalaritza elkarteak, herritarrek tokiko merkataritzari buruz dakitena "modu dibertigarri eta parte-hartzailean" deskubritu dezaten.
Parte-hartzea erraza da: Laudio Berrikusi aplikazioa zabaldu, eta atarian dagoen Quiz botoiari sakatu. Bertan, "Zenbat dakizu Laudioko merkataritzari buruz?" izeneko galdetegia irekiko da, eta osatzen duten bederatzi galderei erantzun beharko zaie. Erantzun egoki bakoitza bonoen zozketarako txartel bana bilakatuko da.
Izan ere, parte-hartzaile guztien artean 1.200 euro banatuko dituzte orotara, herriko saltokietan erabiltzeko. Berez, bost sari banatuko dituzte: 600 euroko bat, 300 euroko beste bat eta 100 euroko hiru. Ekainaren 4an egingo dute zozketa, kanpaina amaitzearekin batera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
